Sorkar hnathawk hlawha inkhairual lote siamthat duhtu pawl hrang hrang
intêlkhawmna, Pay Anomaly Redressal Demand Committee (PARDC) chuan, Pay
Committee 2011 report angin sorkar hnathawkte hlawh inkhairual lo
chingfel thuai turin sorkar an phut a; July 12 thlenga thu lawmawm an
dawn loh chuan July 12-13 ah a huhoa chawlh, mass casual leave lak an
tum.
PARDC-a tel pawl hrang hrang member-te chu nimin khan Vanapa Hall-ah inhmukhawmin an hmalak dan tur an ngaihtuah a, ruahmanna hrang hrang an siam nghal. An ruahman dan chuan, an thil phûtte tihhlawhtlin phûta July 12-13-a mass casual leave an lak hnu-ah pawh thu lawmawm an la hriat loh chuan, July 18-ah Millennium Centre kawtah punkhawm a, Chief Minister's Office thleng kawng zawh an rêl a; CM hnenah an thil phûtte thlen nawn leh an tum a ni.
Millennium Centre kawt atanga CMO thleng kawng an zawh tuk, July 19-ah mass casual leave lak leh an rel a; hemi ni hian Vanapa Hall-ah kalkhawm leh a, an kal zel dan tur ngaihtuahho leh an tum a ni.
PARDC member-te kalkhawm chuan resolution panga an pass a; June 13, 2012-a Cabinet meeting-in Pay Committee 2011 report anga hlawh chinfel tura a lo pawm tawh chu tihpuitlin thuai an phût thu tarlangin, "La chinfel ve lohte pawh hi Pay Committee rawtna angin chinfel thuai ni rawh se," an ti.
PARDC chuan, Pay Committee 2011 report chu February 3, 2012-ah CM-in 'Most acceptable recommendation' tiin a sawi nia sawiin, Pay Committee rawtna angin pay anomaly chinfel thuai an phut thu an tarlang a; Minister Zodintluanga'n May 18, 2012-a 'Pay Committee 2011 hi kan tihhlawhtling thuai dawn a, kan promise mai pawh a ni lo, sorkar kan in commit tawh a ni' tia a sawi leh Home Minister-in April 2, 2012-a 'Pay Committee 2011 Report kan pawm dawn, kan tidanglam nasa lo ang, minor tak tak chauh kan khawih danglam ang' tia a sawite chu tihpuitlin an phût thu an tarlang bawk.
Hlawh inkhairual lo chinfel nan inthliar hranna awm loin, sorkar hnathawk dangte ang bawkin notional fixation atan 1.1.2006 hman an phût thu tarlangin, PARDC chuan, "Keini chuan sorkar sum harsatna hrethiamin, arrear engmah kan phût lo ang," an ti a; PARDC hmalakna tithuanawp zawnga thil titu sorkar hnathawk pakhat chu ti tawh lo turin an chah.
PARDC hlawh sang hrim hrim an phût lo a, an tlukpuite nen intluktlan leh an phût mai niin an sawi a, "Kan intluktlan dawn phawt chuan tun aia hlawh hniam zawk pawh hi pawi kan ti lo," an ti.
Source : Vanglaini
PARDC-a tel pawl hrang hrang member-te chu nimin khan Vanapa Hall-ah inhmukhawmin an hmalak dan tur an ngaihtuah a, ruahmanna hrang hrang an siam nghal. An ruahman dan chuan, an thil phûtte tihhlawhtlin phûta July 12-13-a mass casual leave an lak hnu-ah pawh thu lawmawm an la hriat loh chuan, July 18-ah Millennium Centre kawtah punkhawm a, Chief Minister's Office thleng kawng zawh an rêl a; CM hnenah an thil phûtte thlen nawn leh an tum a ni.
Millennium Centre kawt atanga CMO thleng kawng an zawh tuk, July 19-ah mass casual leave lak leh an rel a; hemi ni hian Vanapa Hall-ah kalkhawm leh a, an kal zel dan tur ngaihtuahho leh an tum a ni.
PARDC member-te kalkhawm chuan resolution panga an pass a; June 13, 2012-a Cabinet meeting-in Pay Committee 2011 report anga hlawh chinfel tura a lo pawm tawh chu tihpuitlin thuai an phût thu tarlangin, "La chinfel ve lohte pawh hi Pay Committee rawtna angin chinfel thuai ni rawh se," an ti.
PARDC chuan, Pay Committee 2011 report chu February 3, 2012-ah CM-in 'Most acceptable recommendation' tiin a sawi nia sawiin, Pay Committee rawtna angin pay anomaly chinfel thuai an phut thu an tarlang a; Minister Zodintluanga'n May 18, 2012-a 'Pay Committee 2011 hi kan tihhlawhtling thuai dawn a, kan promise mai pawh a ni lo, sorkar kan in commit tawh a ni' tia a sawi leh Home Minister-in April 2, 2012-a 'Pay Committee 2011 Report kan pawm dawn, kan tidanglam nasa lo ang, minor tak tak chauh kan khawih danglam ang' tia a sawite chu tihpuitlin an phût thu an tarlang bawk.
Hlawh inkhairual lo chinfel nan inthliar hranna awm loin, sorkar hnathawk dangte ang bawkin notional fixation atan 1.1.2006 hman an phût thu tarlangin, PARDC chuan, "Keini chuan sorkar sum harsatna hrethiamin, arrear engmah kan phût lo ang," an ti a; PARDC hmalakna tithuanawp zawnga thil titu sorkar hnathawk pakhat chu ti tawh lo turin an chah.
PARDC hlawh sang hrim hrim an phût lo a, an tlukpuite nen intluktlan leh an phût mai niin an sawi a, "Kan intluktlan dawn phawt chuan tun aia hlawh hniam zawk pawh hi pawi kan ti lo," an ti.
Source : Vanglaini
0 comments:
Post a Comment