Science leh Mathematics zirtirtu neih loh avangin sikul kai duh lo

Source  : Lalhmachhuana Zofa from Dingdi

Science leh Mathematics zirtirtu neih loh avangin Govt. Sawikunga High School, Darzo, Lunglei District a zirlai naupang te chu July ni 9, 2012 (Thawhtanni) atang khan school an kal duh lo.

Govt. Sawikunga High School, Darzo ah hian Science leh Mathematics zirtirtu hi April 1, 2010 atangin an nei tawh lo a, kumin April thlaa RMSA teacher pahnih Vanlalpeka leh Lalbiakliana te attached a an dah chu class pawh an la la hman mang lo tihin June thlaah an post ngaia kal turin an chhuah leh tak avangin tunah hian Science leh Mathematics zirtirtu an mamawh a, kum hnih lai mai Science & Mathematics zirtirtu an nei lo chu an lungawi lo a, thawhtanni atang khan nawrh an huaihawt ta a ni. Lunglei DEO chuan zirlaite chu an nawrhna titawp tura thlemin zirtirtu pawh a rang lama ngaihtuahsak an nih tur thu a sawi a, zirlaite chuan chawlh zawh hnu August thla thlenga zirtirtu pek an la nih loh chuan nawrh chhunzawm zel an tum niin thu kan dawng.

Tuipuiral Zirlai Pawl (TZP) chuan World Class Education an neih ve theih nana an tih ve theih tawka an ngaih an bual chhung khaw hrang hrangte tlawh kuala zitirtu indaihlohna te zir chiangin hma an la tih an sawiu a. He an hmalakna hi sorkarah vawi engemawzat an thlen tawhin tun thlengin rah tha ala chhuah chuang lo a, zirtirtu thenkhat chu an awmhmun sawu a ni a, hei hi an ngai thiam lo hle tih an tarlang a, Heng zirtirtu sawn chhuahte Johny Lalrindiki tuna Thingsul Tlangnuam M/S-II a attache a awm mek a post ngai Samthang UPS ah, Laldingliana Sailo tuna Jenesaret UPSA Champhai a transfer hi a post ngai Chawngtui ‘E’ UPS ah July ni 20, 2012 ral hma ngeia dahlet emaw an aiawh emaw dah anih loh chuan a tawp thlengin hma an la dawn tih an sawi.(LPS Chibai Mizoram)