Lawrkhawm

 Source  : Lalhmachhuana Zofa from Dingdi

Rev.Vanlalbela New York Lamah
 

              Rev.Vanlalbela chuan New York City lam a pan ta. An cham chhung hian Statue of Liberty, Empire State Building te, Time square, te Ground Zero te fanpui a ni ang.
             Rev.Vanlalbela rawngbawlna hi a nung viau a, America rama Mizo awm ten an chhawr tangkai hle a, seminar te, Pathian thuchah sawi te in hun a hmang thin a ni.

Women's Football Wing News:
              Mizoram Football Association hnuaia Women's Football Wing chuan 24th July, 2012 atang khian 4th Mizoram Open Women's Football Championship, 2012 a buatsaih dawn. Tel turte chuan 20th July, 2012 thlengin entry fee Rs. 300/- Mizoram Football Association Office, City Park, Aizawlah pek tur a ni.

1. He championship ah hian District/ Club/Zone/Institution hminga chhuah phal a ni ang.
2. Team khatah player 20 leh official 2 an awm thei ang a, National Championship hrang hrang bakah, Mizoram aiawha Mizoram Football Association hminga lo chhuak tawhte chu team khatah 6 aia tam awm phalsak a ni lovang.
3. He championship hi kum bithliah leh senior levela Mizoram aiawh thlanna a ni nghal ang.

Minister in Eirawngbawlna gas mamawh zat hre lo
             MPC Thalai chuan Mizorama eirawngbawlna Gas a harsat zual nachhan chu engvanga harsa nge tih leh engtia hmalak tur nge tih hre loten thuneihna an chan vang a ni an ti.
             Hemi chungchang hi nimin(Jul 10, 2012) Aizawl Press Club-a Press mite hmaah an MPC |halai President Pu VL Zaithanzama chuan sawiin, gas harsat chungchangah hian IOC General Manager (NE) P.Dey leh Supply Minister May ni 18-a an inkawm tum khan, General Manager-in Mizoramin Gas metric ton 1,800 a mamawh nia a sawi vangin Minister chuan metric ton 2,000 a dil ringawt a, Mizoram mamawh chu thla khat-ah Bur nuai 1 sing 7 Sang 4 & 249 a ni a, metric ton 2000 chu Bur nuai 1 sing 4 & 845 chauh a ni a, Minister hian Mizoram mamawh zat a hre lo a ni, a ti.

           MPC Thalaite chuan April thlaa LPG sem danah sawrkarin khauh zawka hmalak a tum thu sawiin, a bul tan nan a semnaah a bukna ken tur a nih thu leh cash memo an pe chhuak ngei tur a ni a tih hnuah vawiin thlenga cash memo pek chhuah a la ni lo tih sawiin Kum 2011-2012 chhunga Legal Metrology-in Gas tihchingpen ching Truck 37 an man laia tumah hrem an ni lo an ti bawk.

  

(NYK) office Mamit-ah hawng
           Nimin(Jul 10, 2012) tlai dar 4 khan DC conference hall Mamit ah Mizorama apalina atan District Youth Co-Ordinator Nehru Yuva Kendra Sagathan (NYK) office chu Pu Zatluanga sailo Vice President YMA Sub Hqtrs chuan a hawng.

Rural Tourism Awareness & Training Camp, Thenzawlah
            Nimin(Jul 10, 2012) chawhnu khan khan Ni nga chhung awh tur Tourism Department leh Centre For Rural Development & Research (CRDR) bul tuma neih Rural Tourism Awareness & Training Camp, Thenzawl Community Hall leh V/C House-a neih tur chu Tourism Minister Pu S. Hiatoa’n a hawng.

Damlo tan cheng vbc 4 pe tawh
           Aizawl:Mizoram State Health Care Society chuan an hnuaia inziak lut, damlo te hnenah nikum 2011 September a\anga a hnu lam zawng ah cheng vaibelchhe 4 chuang MR bill an pe chhuak tawh a ni.

MNF Thalaiin Sihphir leh Durtlang NLUP Bawng tuartu ral
           Aizawl:Nimin(Jul 10, 2012) kha NNF Thalai chuan an President Pu PC. Laltlansanga ho vin Sihphir leh Durtlanga NLUP Bawng dawngtute leh, dawng ve lo; Bawng vulha eizawng chhungkua ten NLUP Bawng vanga tawrhna rapthlak tak an tawh a hmunah enfiah puiin, an tawrhpui zia entirnan sum faiin an ral.

CM Bialah Sorkar In Luah Man Siamthat Tum
           Aizawl:Nimin khan CM Pu Hawla bial Serchhip District-a Sorkar-in In a luah man bithliah dan tur D.C.P.Lalchhuanga hova sawiho a ni.

 Kumtling Kut atangin Ganja man
            Kolasib Gosen veng YMA kumpuan duty ten nimin(Jul 10, 2012) khan Ganja 14kg an man.

Tlungvel Khawtlang din Sikul Sakna Lungphum phun
          Aizawl:Kum 2 kalta a Tlungvel Khawtlangin an din, Tlungvel Higher Secondary School Bulding sakna tur Lung phum chu nimin(Jul 10, 2012) khan Bialtu MLA Pu K.Lianzuala'n a phum.

Vawiin
@ Kumina Ni 191 kan hmanna tur a ni a, kum tawp hma in Ni 173 kan la nei a ni.
------------
@ Ist. Anti Dengue month zing dar 10:30 atangin I&PR ah hawnna hun hman a ni ang, khuallianah Health minister Pu Lalrinliana Sailo a ni ang.
--------------
@ K. Riachho, IAS, Chief Electoral Officer chuan Comt. Room, Mizoram Legislative Assembly Secretariat-ah dar 11 hian Press mite a kawm ang.
-----------
Tihdikna
MJA President C Lalrambuatsaiha chu Joint Electricity Regulatory Commission for Manipur & Mizoram in commision member atan an ruat thar tih nimina chhuak chu tihsual palh niin State Advisory Committee member zawk a ni.
--------------
Tlangzarh
Naktuk chawhnu dar 1 hian H. Lalfak-zuala, Chanmari West lehkhabu ziah 'Thu Ngaihnawm Huang' tih chu Parliamentary Secretary Lal Thanzara chuan Chanmari YMA Hall-ah a tlangzarh dawn.
--------------
Thawhhona
Mizo Hindi Zirlai Pawl (MHZP) Gen. Hqrs. leh Rashtra Bhasa Vidyarthi Sangh, Mizoram chuan nimin khan MSU Gen. Hqrs.-ah thawh-hona thuthlung an ziak.
-------------
Champion
Lawngtlai nula chu Golden Gloves of Vojvodina international competition for youth girls, Serbia a khelh ah Light fly 48kgs category ah a CHAMPION leh ta, Lalenkawli hi World Junior Women Boxing, Antalia, Turkey ah nikum khan a lo Champion tawh bawk.
-------------
Neih Chho Mek
Commandent, 40th AR hnen atanga thu dawn danin, July 1 - 15, 2012 chhung hian ‘Go Green Forthnight’ thing phun hnatlang thingtlang khua leh khawpui chhung hmun hrang hrang ah te an nei chho mek.

 Delhi State Commission for Women member
           Laldingliani Sailo IRS (Retd) chu Delhi State Commission for Women member ah lakluh a ni a, a term hi kum thum a ni.
(LPS Chibai Mizoram)