Vairengte a Auto Driver chawlhbuk suasam

Source : Engkima Colney from Chanchinthar

Dt.9.7.2012(Thawhtanni) zan rei deuh tawhah khan Kawngthar venga Auto Stand bula Auto Driver-te tan chawlh nan a an siam chu mi tutih hriat lohten lo suamsamin an lo thiahsak a,hemi chungchangah hian Vairengte Auto Driver te an thinrim hle a ni.
He chawl hmun hi lei atanga akanga siamin, Thing leh Kuhva kung ro te la khawmin a achhuat phah atan an hmang a,hemi zan hian Stand-ah hian dar 9:00 p.m vel thleng Driver thenkhat chu an awm a,nimin a Stand a an zuk kal leh chuan chawlna an siam hi tihchhiat vek in an hmu ta a ni.He chawlhna an siam chhak lawkah hian Vai Auto Driver lam hian chawh hmun hi siam ve a,an ni siam erawhchu khawih chhiat a ni ve lo a ni.
Hemi chungchangah hian Auto Driver-ho chu an thinrim hle a,Vairengte Police Station-ah kalin thil awm dante report pein,hetiang a lo titu hi Assam Police ni a an rinthu an hrilh a.Hei hi a chhan ber chu tunhma in Auto Driver-te hi kut an lo thlak thin vang leh an signboard tarte an lo tih chhiatsak thin tawh vang a ni. OC hi a hmunah kalin thil thlen dante a endik a,Auto Driver ho hnenah hian siam tha leh nghal tura hrilin,helai hi ram buai(Dispute Area),a nih avangin hma alak vak theihlo niin Auto driver ho hi a hrilh bawk a ni. Hemi hnu hian SDPO leh OC te chu Assam Police te hmu turin an kal leh a,Officer incharge Laskar hmuin,a ni hian an tih anih loh thu leh tutih nge an hriat loh thu a lo hrilh a,hetiang hi hnam anga buaina thleng theih a nih avangin an ni pawhin theihtawp chhuah a lo tum thu a lo hrilh bawk.
He lai thil thlengah hian tutih nge tih chu chiang taka hriat theih a ni lova,SDPO sawi dan chuan thawhtanni lam khan Auto Stand bula VC-I lam ten NREGS inhlawhna a,kawng an siam chu Assam lam Magistrate in a lo endik a ni a ti.Auto Driver thenkhat sawi dan chuan helai hmun Mizoramin kut an lo thlak hi Assam minister lamah pawh an lo thlen tawh a ni awm e.