India sipai lal Gen VK Singh a chawl ta

Khawmual sipai hotu lu ber, General VK Singh chu nimin khan pension-in a chhuak ta a. Eastern Army Commander General Bikram Singh-an a thlak dawn a ni.

Gen VK Singh hian Nilaini khan Pune bul, Khadakvasla-a National Defence Academy passing out parade a chhang a, hei hi sipai hotu a nih chhunga passing out parade a chhan tawpna a ni. He hmunah hian amah ngei pawhin passing out parade a lo nei tawh a ni.

Kum 2010, March 31 khan General Singh hi Army Chief of Staff 26-na atan ruat a ni a, he dinhmun a chelh chhung hian Army siamthat chu a tum ber a ni tih a sawi thin a. Thla 26 chhung sipai hotu hna a chelh chhung hian Army chhunglam boruak pawhin hma a sawn hle niin a sawi.