Tui tla Lalthansanga ruang hmuh a ni

Source : Thartea Renthlei from Special report

10th july 2012 : Vawiin chawhma dar 11 : 30 vel khan Tv Lalthansanga kum 22, Pu Lalrinmawia fapa Thakthing veng chu Tlawng lui ah chesualin a tla hlum a, a ruang hi chawhnu dar 3:10 khan hmuh a ni.

TV Lalthansanga kum 22, tea ti a koh hi Pu lalrinmawia Thakthing veng Local Council  Vice chairman fapa 4 zinga upa ber dawttu a ni a, a pa Pu Lalrinmawia hian Khamrang ram ah culvert siam hna a thawk a, he a hna thawh hi Tea hian a pa aiawhin enkawlin a vil thin a, nimin khan labour te eitur keng thla in an hnathawhna hmun ah hian chhuk thla in a riak nghal a, vawiin chawhma lam khan a mi chhawr a thian te 5 nen an hnathawhna piah lawk Tlawnglui kam ah sangha khawina Aquarium a dah tur lungmum chhar in an kal a, Tui dai dul chin vela lungmum chhara an chevel chu Tea hi chesual in tuizangkhauh in ala ta a, hetia a chetsual veleh hian a kalpui te pawh in chhan an tum na a tuithiam an nih loh avangin an tan chet ngaihna a awm lova, phone in a pa Pu Lalrinmawia chu an han hrilh a, ruang zawng tur hian chetsual na hmun hi mi tlawmngai ten an pankhawm a, sairang dinthar YMA te leh sairang leh Aizawl hmun hrang hrang atangin ruang zawng tur hian a hmun hi an pan khawm a, tui a tamin a nu hle a, ruang zawn a hautak hle a, vanneih thlak takin chawhnu dar 3:00 vel khan a tlakna atanga metre 80 vela hla ah a ruang hi li mawng ah Sairang dinthar tui thiam ten an chhar chhuak ta a ni.

Tea hi tunlaia pawl dingthar lar tak Aizawl Kenel Club ah hian Asst.Secy a ni a, vawiin a a ruang zawnna ah pawh hian an pawl member engemawzat an thleng thla a ni.