Mizo Film hmuhnawm tak tak min hlui tawh thintu Leitlang Pictures kutchhuak 'Khawnglung Run' chu mipuite en theih tur a release tep a ni tawh a, hemi tih larna tur atan Music Video an siam C.Lalruatkima sak 'Khawnglun Run' tih chu mipuite en theih tur a tihchhuah a ni.
He film ah hian khaw hran an din a ni ber a, 'Khawnglung Run' tih film siamtu Leitlang Pictures-te hian Mizo film chhuak tawha hautak leh hmuhnawm ber pawl ni tur hian pawisa fai cheng nuai 10 dawn lai an seng a ngaih a ni. Mission, House No 109 etc leh a kutchhuak dang hmu tawh tan chuan en chakawm zek zek a ni.
In 30 vel zet an sa thar a, hmanlai Mizo khua ang tak takin an din a, a hautak a, a film erawh a hmuhnawm an. Ruahsur leh thlipui karah pawh shooting an kalpui zel a, zaithiam lar Alex Lalchhuankima chu he film-a a changtu ber Chala lemah a chang a, Thangi lemah Zoremsangi a chang a, anni pahnih hi Aizawl Chawnpui ve ve an ni. A changtute hi Lunglei, Serchhip leh Aizawl bakah hmun danga mi kal khawm an ni.
He film hi 1854 bawr vela Pawih ralin Khawnglung khua an run chanchin behchhana siam a ni a, nula leh tlangval inngaizawng Chala leh Thangi chanchin zeh tel a ni bawk a, a hmuhnawm bakah a ngaihnawm tel ang.
Mizo film-ah chuan 'technically' a chhûta sang ber tura ngaih a ni a,high definition 24p format a shoot a ni a, a tul phawt chuan celluloid a leh theih turin celluloid film format mila siam thlap a ni. Censor Board paltlang tir tum mek a ni a, effect engemawzat a awm bawk avangin a hna hi a hautak deuh a, mipuite hmuh a pho chhuah thuai a chakawm rual rualin a hmanhmawh hleihtheih chiah loh deuh si a ni. Amaherawhchu thlathar July kar hmasaberah hi chuan Aizawlah an release dawn a ni tih Director Pu Mapuia Chongthu chuan a sawi. A release pawp ang nge Eastview ah te hian an chhuah phawt dawn hriatchian a la nilo.
Engpawhnise, lo chhuak thuai turah ngai ila, i lo nghak phawt mai teh ang.
He film ah hian khaw hran an din a ni ber a, 'Khawnglung Run' tih film siamtu Leitlang Pictures-te hian Mizo film chhuak tawha hautak leh hmuhnawm ber pawl ni tur hian pawisa fai cheng nuai 10 dawn lai an seng a ngaih a ni. Mission, House No 109 etc leh a kutchhuak dang hmu tawh tan chuan en chakawm zek zek a ni.
In 30 vel zet an sa thar a, hmanlai Mizo khua ang tak takin an din a, a hautak a, a film erawh a hmuhnawm an. Ruahsur leh thlipui karah pawh shooting an kalpui zel a, zaithiam lar Alex Lalchhuankima chu he film-a a changtu ber Chala lemah a chang a, Thangi lemah Zoremsangi a chang a, anni pahnih hi Aizawl Chawnpui ve ve an ni. A changtute hi Lunglei, Serchhip leh Aizawl bakah hmun danga mi kal khawm an ni.
He film hi 1854 bawr vela Pawih ralin Khawnglung khua an run chanchin behchhana siam a ni a, nula leh tlangval inngaizawng Chala leh Thangi chanchin zeh tel a ni bawk a, a hmuhnawm bakah a ngaihnawm tel ang.
Mizo film-ah chuan 'technically' a chhûta sang ber tura ngaih a ni a,high definition 24p format a shoot a ni a, a tul phawt chuan celluloid a leh theih turin celluloid film format mila siam thlap a ni. Censor Board paltlang tir tum mek a ni a, effect engemawzat a awm bawk avangin a hna hi a hautak deuh a, mipuite hmuh a pho chhuah thuai a chakawm rual rualin a hmanhmawh hleihtheih chiah loh deuh si a ni. Amaherawhchu thlathar July kar hmasaberah hi chuan Aizawlah an release dawn a ni tih Director Pu Mapuia Chongthu chuan a sawi. A release pawp ang nge Eastview ah te hian an chhuah phawt dawn hriatchian a la nilo.
Engpawhnise, lo chhuak thuai turah ngai ila, i lo nghak phawt mai teh ang.
0 comments:
Post a Comment